فاسقہ ‏عورت ‏سے ‏نکاح؟

کیا فرماتے ہیں علمائے کرام مسئلہ ھذا میں کہ ایک عورت ہے جس کا یہ دھندہ بن چکا ہے کسی مرد سے نکاح کرتی ہے کچھ دنوں کے بعد اپنے شوہر کو کہتی ہے کہ میں اپنے میکے جاتی ہوں پھر نہیں آتی پھر دوسرے مرد سے شادی کرلیتی ہے چند دن اس کے گھر رہتی ہے اس کو لوٹ کر چلی جاتی ہے پھر تیسرے مرد سے شادی کرلیتی ہے اس نے بہت سارے نکاح کیے ہیں سوال یہ ہے کہ اگر کوئی امام نکاح پڑھاے لیکن اس کو اس کے بارے میں معلومات نہیں ہے بعد میں معلوم ہوا کہ یہ عورت نہ جانے کتنے نکاح کرچکی ہے تو امام اور سامعین کے نکاح کے بارے میں کیا حکم ہوگا
...سائل..
علی محمد اکبری خطیب و امام مدینہ مسجد نانی چیرئی بھچاو واگڑ کچھ
*الجواب بـــــــــــِـاِسْمِـــــــــــــٖہ تـَعـــالٰـــــــــــــــی وباللہ توفیق*
صورت مسوئلہ میں اس عورت کا دوسرے سے نکاح  جب تک نہیں ہو سکتا جب تک پہلے والا شوہر اسے طلاق دے دی ہو تو دوسرے سے نکاح ہو سکتا ہے ورنہ بغیر طلاق کے دوسرے سے نکاح ہرگز جائز نہیں بلکہ حرام ہے ،قال اللہ تعالٰی، *شوہر والی عورتیں تم پر حرام ہیں الخ* قرآن مجید سورتہ 4 آیت 24 اور سوال سے ظاہر ہوتا ہے کہ وہ عورت مطلقہ نہیں تھی بلکہ لوگوں سے دھوکہ کرتی رہی جو سخت گنہگار مستحق عذاب نار ہے اب نکاح پڑھانے والے مولانا اور گواہ کو اس عورت کی کرتوتوں سے جانکاری نہیں تھی جیسا کہ سوال میں ذکر کیا گیا ہے بعد معلوم ہونے کے مولانا اور گواہوں کو یہ حکم ہے کہ وہ لوگوں میں اعلان کر دیں کہ یہ نکاح نہیں ہوا اور مولانا نکاح پڑھانے کا پیسا واپس کر دیں
*واللہ اعلم و رسولہ*
*دارالافتاء فیضان مدینہ*
*فقیر ابو احمد ایم جے اکبری قادری حنفی عطاری*
تاریخ 14 دسمبر 2020  بروز پیر ✍