عرضِ مصنف بسم اللہ الرحمٰن الرحیم الحمدللہ رب العالمین، والصلاۃ والسلام علیٰ سید المرسلین، حضرت محمد مصطفیٰ ﷺ، وعلیٰ آلہٖ واصحابہٖ اجمعین۔ یہ مختصر رسالہ ’’عصمتِ انبیاء علیہم السلام‘‘ کے موضوع پر ایک تحقیقی کاوش ہے۔ اس کی ترتیب و تحریر میں بالخصوص تفاسیرِ معتبرہ اور کتبِ حدیث و عقائد سے استفادہ کیا گیا ہے۔ دورانِ تحقیق بعض ایسی روایات، واقعات اور تفسیری عبارات سامنے آئیں جن میں انبیائے کرام علیہم السلام، بالخصوص سرکارِ دو عالم حضرت محمد مصطفیٰ ﷺ کی طرف ایسے الفاظ یا امور کی نسبت کی گئی ہے جن کی صحیح تحقیق اور درست مفہوم کا بیان ضروری ہے۔ اسی مقصد کے پیشِ نظر اس رسالے میں بعض تفاسیر میں مذکور واقعات کی تحقیقی وضاحت، عصمتِ انبیاء علیہم السلام کے اصولی دلائل، اور حضور اکرم ﷺ کی طرف لفظ ’’ذنب‘‘ کی نسبت کی علمی و تحقیقی حیثیت کو واضح کرنے کی کوشش کی گئی ہے، تاکہ اہلِ حق کے عقیدۂ عصمتِ انبیاء علیہم السلام کی صحیح ترجمانی ہو اور ان عبارات کے متعلق پیدا ہونے والے شبہات کا ازالہ کیا جا سکے۔ اس سلسلے میں علامہ غلام رسول سعیدی رحمۃ اللہ علیہ کی تفسیر ’’تبیان القرآن‘‘، شرح صحیح مسلم، حضرت قاضی عی...