مکان کے لیے لون؟

السلامُ علیکم

سوال: کیا انڈیا کے بینک سے قرض لے سکتے جب کہ اس پر ہمیں  سود دینا پڑےگا  حالات یہ ہے کے کرائے کے مکان میں کوئی رہ رہا ہے اُسے اپنا جاتی مکان خریدنا ہے جو مہنگا ہے اگر اُسکے لیئے پیسے جمع کرکے خریدنے جائیگا تو بہت سال لگ جائیں گے تب تک کا کرایہ بھی تقریباً جو سود بینک کو دیگا اتنا ہو جائیگا جب کے اگر  بینک سے قرض لے لیگا تو اِسکا جاتی مکان ہوں جائیں گا جب کہ دوسری صورت میں اتنا سارا کرایا دینے کے باوجود اپنا جاتی مکان نہیں ہوگا برائے کرم رہنمائی فرمائیں ؟

صورت مسئولہ میں مکان خریدنے کے لیے بینک سے سود پر قرض لینا جائز ہے جیسا کے  

فقیہ ملت  حضرت مفتی جلال الدین احمد امجدی رحمت اللہ علیہ فتاویٰ رضویہ کے حوالے سے نقل فرماتے ہیں:سود دینے والا اگر حقیقتہ صحیح شرعی مجبوری کے سبب سود دیتا ہے اس پر الزام نہیں ،.......اگر بلا مجبوری شرعی سود دیتا ہے مثلاً تجارت بڑھانے یا جایداد میں اضافہ کرنے کے لئے یا محل اونچا بناوانے کے لیے یا اولاد کی شادی میں بہت کچھ لگانے کے واسطے سودی قرض لیتا ہے تو وہ بھی سود کھانے والے کے مثل ہے 

فتاویٰ فیض الرسول -٢ صفحہ:٣٨٩)

اور  یہاں مجبوری ہے کہ  اتنی بڑی رقم کوئی بغیر سود کے دینے کو عام طور پر  تیار بھی نہیں ہوتا،

لیکن معمولی معمولی کام کے لیے سود پر قرض لینا جائز نہیں ہوگا ،جیسا کہ اوپر کتاب کے حوالے سے گزرا

واللہ تعالیٰ اعلم

مفتی ادارہ -ایم جے اکبری قادری حنفی

دارالافتاء فیضان مدینہ -نیمک نگر گنجا گجرات ہند